Жанги шатар ба орчин үеийн шатрын төстэй ба ялгаатай талууд : 

Төсөөтэй тал

• Зорилго : Өрсөлдөгчийнхөө ноёныг мадлах нь ижил. 

• Дүрснүүд : Хоёр хөлөгт тоглоом дүрснүүдийн нүүдэл, хүүний тоогоор ялгаатай боловч дүрснүүд нь ижил. Ноён = генерал, бэрс = их буу, тэрэг = тэрэг, морь = морь, тэмээ = тэмээ, хүү = цэрэг, гэхдээ жанги шатарт зөвлөх, хамгаалагч (adviser) гэх дүрстэй.

• Тактикийн нүүдлүүд : ац тавих (forks), дараас хийх (pins), шорлох (skewers), нээж шалах (discovered attack) зэрэг.

Ялгаатай тал

• Хөлөг ба нүүдэл : Шатар нь 8х8 буюу 64 нүдтэй хөлөгтэй бол Жанги шатрын хөлөг нь 9х10 цэгтэй, хэвтээ 9 шугам, босоо 10 шугам бүхий хөлөгтэй байдаг. Буудал буюу нүдэн дотор нүүх биш шугамын дагуу нүүж, огтлолцол цэг дээр буудаг.

• Онцлог дүрснүүд : Нэг дүрсэн дээгүүр давж нүүдэг Их буу (cannons), ноёны ордон дотор л нүүдэл хийдэг хамгаалагч (adviser) гэсэн дүрс байна.

• Тоглоомын дүрэм : Жанги шатарт нүүдэл хийлгүй ээлж солих боломжтой. Мөн Ноён буюу хоёр талын генералууд шууд өөдөөсөө нүүр тулах байрлалд тэнцээ болдог.

• Гарааны байрлал : Жанги шатарт өргийн анхны байрлалд морь, тэмээний дүрснүүдийг хооронд сэлгэж тавих сонголттой. Улаан тал буюу хар тал нь түрүүлж сонгох бол хөх тал буюу цагаан тал нь түүнээс хамаарч, гарааны хувилбартаа тааруулж сонгоно.